स्पर्धा परीक्षा ; तंत्र अभ्यासाचे

👉 स्पर्धा परीक्षा ; तंत्र अभ्यासाचे

सध्या स्पर्धा परीक्षांकडे विद्यार्थ्यांचा मोठा कल दिसून येत आहे. यातच महाराष्ट्र लोकसेवा आयोगाच्या अनेक जागा सुटल्या असून अनेकांनी अभ्यासाची जोरदार तयारी सुरु केली आहे. नियोजनबद्ध अभ्यास न केल्यामुळे अनेक जणांना अपयश येते म्हणून अभ्यास कसा करावा त्यावर एक नजर टाकूया...

👉 तुम्ही जी परीक्षा देणार आहेत त्या परीक्षेचा अभ्यासक्रम जाणून घ्या.

👉 अभ्यासक्रमानुसार कोणत्या विषयाला किती वेळ द्यायचा ते ठरवा.

👉 जास्त वेळ जागरण करून अभ्यास करू नका. पुरेशी झोप घ्या.

👉 दररोज दैनिकाचे सविस्तर वाचन करून त्यातील महत्वाचे मुद्दे नोंद करून ठेवा.

👉 योजना, कुरुक्षेत्र, लोकराज्य या मासिकातील अभ्यासक्रमासंदर्भात लेख आवर्जून वाचा.

👉 इतिहास विषयाचा अभ्यास करताना क्रमिक पुस्तकापासून सुरुवात करा.

👉 भूगोल विषयाच्या तयारीसाठी पाचवी ते बारावी पर्यंतच्या क्रमिक पुस्तकाचे वाचन करा.

👉 आर्थिक व सामाजिक विकास तसेच भारतीय राज्यघटना या घटकासाठी अकरावी - बारावी ची क्रमिक पुस्तके वाचा.

👉 विज्ञान व तंत्रज्ञान या घटकासाठी सहावी ते दहावी पर्यंतची क्रमिक पुस्तके वाचा.

👉 पुस्तकाच्या अनावश्यक भागाचे अध्ययन टाळा.

👉 अभ्यास करत असताना महत्वाच्या गोष्टी नोंदवून ठेवा. यामुळे वेळ वाचेल.

👉 लेखन सरावास वेळ राखून ठेवा. महत्वांच्या विषयाला जास्त वेळ द्या.

👉 वाचनाचा कंटाळा आला असेल तर अशा वेळी गट चर्चा करण्यास हरकत नाही.