"गाडगे महाराज यांची सुंदर कविता " : " देव "
"गाडगे महाराज यांची सुंदर कविता "
" देव "
कीती पुजला देव तरी,
देव अजुन पावला नाही...
कुठं राहतो कुणांस ठाऊक,
अजुनपर्यंत घावला नाही..||धृ ||
हातात असुन धारदार शस्र,
कधी चोरामागे धावला नाही..
कुठं राहतो कुणांस ठाऊक
अजुनपर्यंत घावला नाही...||१||
सगळं काही तोच देतो,
तोच पुरवतो सगळ्यांची हौस...
शेतक़री बघतो आभाळांकडं,
मग गेला कुठं पाऊस...
खुप केलं हरी हरी तरी,
मुखांत कधी मावला नाही...
कुठं राहतो कुणांस ठाऊक,
अजुनपर्यंत घावला नाही...||२||
कधी स्वत: राहून उपाशी,
भुक त्याची भागवली...
हा म्हणे नैवद्यावर थोडी,
साखर का नाही मागवली...
आहार त्याचा वाढतं गेला,
कधी एका बक-यावर भागला नाही...
कुठं राहतो कुणांस ठाऊक,
अजुनपर्यंत घावला नाही...||३||
आंघोळ करतो दुधाने,
जणू सगळ्याच गाई त्याच्या बापाच्या...
तोच घागरी भरतो म्हणे,
पुण्य अन् पापाच्या...
पाप-पुण्याचा हीशोब कधी,
त्यानं दावला नाही...
कुठं राहतो कुणांस ठाऊक,
अजुनपर्यंत मला घावला नाही...||४||
💐💐 संत गाडगे महाराज💐💐
👌👌👌🙏🙏
Comments
Post a Comment