आज जन्माष्टमी; तुम्हाला 'हे' माहित आहे का?

🤔 आज जन्माष्टमी; तुम्हाला 'हे' माहित आहे का?

श्रावण महिन्यात वद्य अष्टमीला रात्री 12 वाजता रोहिणी नक्षत्रावर श्रीकृष्णाचा जन्म झाला. कंसाची बहिण देवकी व वासुदेव यांचा कृष्ण हा आठवा मुलगा होता. हाच दिवस कृष्णजयंती, जन्माष्टमी किंवा गोकुळाष्टमी या नावांनी ओळखला जातो. हा जन्मदिवस संपूर्ण भारतात तसेच विदेशात देखील उत्साहात साजरा केला जातो.

💁‍♂ कुठे कशी साजरी होते जन्माष्टमी?

1) महाराष्ट्र : येथे कृष्णजन्म गोकुळाष्टमी या नावाने साजरा केला जातो. या दिवशी उपवास केला जातो. रात्री 12 वाजता कुष्णाच्या मुर्तीला पाळण्यामध्ये ठेवून त्याला दही-दूधाचा प्रसाद दाखवला जातो. तर दुसऱ्या दिवशी दही हंडीचा उत्सवदेखील मोठ्या आनंदात साजरा करण्यात येतो.

2) गुजरात आणि राजस्थान : या ठिकाणी देखील मोठया उत्साहात कृष्ण जन्म साजरा केला जातो. यादरम्यान कृष्णाची मंदिरे सजविली जातात. रात्रभर भजन आणि रासलीलेचा कार्यक्रम आयोजित केला जातो.

3) ओडीसा आणि बंगाल : बंगालमध्ये देखील कृष्ण जन्माला एक वेगळंच स्थान आहे. लहान मुलांना कृष्णाप्रमाणे सजवले जाते. कृष्ण जन्मावरील नृत्याविष्कार सादर केले जातात.

4) दक्षिण भारत : या  दिवशी कृष्णाच्या मंदिरांना दिव्यांची सजावट केली जाते. तांदळाच्या पिठाच्या रांगोळ्या काढल्या जातात. गीतेचे वाचन तसेच भगवान कृष्णासाठी विशेष नैवेद्य केला जातो.

❓ तुम्हाला 'हे' माहित आहे का?

● कृष्ण जन्माष्टमी, साटम आथम, गोकुळाष्टमी,अष्टमी रोहिणी, श्रीकृष्ण जयंती, श्री जयंती या नावाने देखील जन्माष्टमी साजरी केली जाते.
● दक्षिण आशिया खंडात खालील समुद्री भागातील देश गयाना, त्रिनिनाद, टोबागो,जमैका आणि डच कॉलनी ऑफ सुरीनाम येथे जन्माष्टमी साजरी केली जाते. 
● मथुरा आणि वृंदावन श्री कृष्ण जन्मभूमी मध्ये जन्माष्टमी आठवडाभर साजरी केल्या जाते.
● सिंगापूर येथील जन्माष्टमी पाहण्यासारखी असते. येथे कृष्ण नामस्मरण करण्याची स्पर्धा सुध्दा भरविल्या जातात.
● पाकिस्तानमध्ये श्री स्वामीनारायण मंदिर कराची येथे सुध्दा जन्माष्टमी भजन कीर्तनासहित साजरी केली जाते.
● क्वालालंपूर येथे देखील जन्माष्टमी साजरी केली जाते. याप्रसंगी अन्नदान सुध्दा मोठ्या प्रमाणात होते.
● फ्रान्स येथील पॅरिसमधील मंदिरात 2 दिवस महोत्सव साजरा केला जातो. रात्री 12 वाजता श्री कृष्णास गंगाजलाने अंघोळ घालून विधिवत पूजा केली जाते.